Sa pagpanguna ni SFO2 Mike E. Palconayo, ang mga personahe sa Taguilon Fire Sub Station aktibong misalmot sa usa ka virtual meeting pinaagi sa Google Meet niadtong Hulyo 30, 2025, nga nagtutok sa Emergency Medical Services (EMS) Response.
Ang maong panagtigom kabahin sa paningkamot sa Bureau of Fire Protection (BFP) nga mapaayo ang emergency response reporting system sa tibuok lalawigan sa Zamboanga del Norte pinaagi sa mas koordinado, tukma, ug paspas nga pagresponde sa mga emerhensya.
Tumong sa kalihokan ang pagkalibrar sa mga pamaagi sa pag-report sa mga insidente, aron masiguro nga ang matag sub-station makahatag ug parehas nga kalidad sa serbisyo ug mas lig-on nga panag-uban sa tanang ahensiyang kabahin sa emergency response network.
Mapasalamaton ang BFP Taguilon sa higayong nakatambong sila sa maong diskusyon nga usa ka dakong lakang aron mapalawom pa ang ilang kahibalo ug kapasidad sa pag-atubang sa mga emerhensya sulod sa ilang katungdanan nga lugar.(Jumalisa Papa)
Source: BFP R9 Taguilon Fire Station