SINDANGAN, Zamboanga del Norte — Aktibong miapil ug naghatag og public safety support ang mga personnel sa Sindangan Central Fire Station atol sa Barangay Bitoon Color Fun Run 2026 isip kabahin sa ilang padayon nga pakig-uban sa komunidad.
Gipangulohan ni FSINSP Francis Carl T. Paulite, Acting Municipal Fire Marshal, ang partisipasyon sa BFP sa maong kalihokan aron masiguro ang kaluwasan sa mga partisipante ug suporta sa usa ka aktibidad nga nagpalambo sa kahimsog ug panaghiusa sa komunidad.
Sumala sa BFP, ang maong kalihokan nagpakita sa ilang pasalig sa paglig-on sa relasyon tali sa ahensya ug sa katawhan, samtang gidasig usab ang aktibong pamaagi sa pagkinabuhi ug pag-atiman sa panglawas.
Pinaagi sa maong inisyatiba, nagpadayon ang BFP Sindangan sa pagtukod og mas lig-on nga pakigtambayayong sa komunidad ug pagpalambo sa kultura sa kaluwasan, kahimsog ug panaghiusa sa lokal nga lebel.(JENIFFER JR. DELICA)
Source: BFP R9 Sindangan Municipal Fire Station