Paspas nga mitubag ang EMS personnel sa Salug Municipal Fire Station sa usa ka vehicular accident nga nahitabo sa Barangay Lipakan, Salug, Zamboanga del Norte niadtong Mayo 7, 2026.
Pag-abot sa mga responder sa lugar, ilang nakita ang usa ka pasyente nga naghigda sa dalan ug adunay samad sa nawong ug mga garas sa nagkalain-laing parte sa lawas, apan padayon gihapong conscious ug makatubag.
Dayon nga gihatagan og first aid sa BFP responders ang pasyente pinaagi sa paglimpyo ug pagtambal sa mga samad, samtang gibutangan usab kini og C-collar ug gipahigda sa spine board aron masiguro ang kaluwasan niini atol sa pagdala.
Human sa paspas nga emergency response, gidala sa MDRRMO rescue vehicle ang pasyente ngadto sa Liloy Integrated Health District Hospital alang sa dugang pagtambal ug medikal nga pag-atiman.(JENIFFER JR. DELICA)
Source: BFP Salug