Padayon nga midawat og aplikasyon ang Bureau of Fire Protection o BFP Region 9 alang sa posisyon nga Fire Officer 1 o FO1, diin ang deadline sa pagsumite sa aplikasyon sa Hulyo 20.
Giawhag sa BFP ang mga kwalipikadong aplikante nga mopahimulos sa higayon sa pag-apil sa han-ay sa mga bombero nga nagserbisyo sa pagluwas sa kinabuhi, pagpanalipod sa komunidad ug pagpatuman sa ilang katungdanan sa nasud.
Kinahanglan nga moadto ang mga interesadong aplikante sa labing duol nga fire station aron moagi sa inisyal nga screening ug mahibal-an ang mga kinahanglanong dokumento ug kwalipikasyon alang sa aplikasyon.
Gidasig sa BFP Region 9 ang tanang adunay tinguha sa serbisyo publiko nga mag-aplay sa dili pa ang gitakdang deadline aron mahimong kabahin sa sunod nga hugpong sa mga Fire Officer 1.(JENIFFER JR. DELICA)
Source: BFP R9 Liloy Fire Station