Mipahigayon ang Regional Disaster Risk Reduction and Management Council Region IX og 4th Quarter Full Council Meeting ubos sa pagpanguna ni Chairperson ug Office of Civil Defense Region IX Regional Director Atty. Ruel S. Halanes, diin nagtigom ang mga lider ug kaabag sa disaster risk reduction gikan sa tibuok Zamboanga Peninsula aron palig-onon ang koordinasyon ug regional preparedness.
Atol sa miting, gipresentar sa mga vice chair sa upat ka thematic pillars ang ilang quarterly updates, lakip ang disaster prevention and mitigation sa DOST Region IX, disaster preparedness sa DILG Region IX, disaster response sa DSWD Region IX, ug disaster rehabilitation and recovery sa DEPDEV Region IX, nga nagpakita sa padayon nga paningkamot sa mga ahensya sa pagpatuman sa mga programa ug pagpaayo sa kahandam sa rehiyon.
Gipasiugda usab ni OIC Division Chief for Disaster Risk Reduction and Management Atty. Kornessa L. Paras ang kahinungdanon sa pagrepaso sa Local Disaster Risk Reduction and Management Plans, ilabina subay sa sunod-sunod nga linog nga nasinatian sa nasod, hinungdan nga nagplano ang council og earthquake drills ug simulation exercises isip lakang sa pagpalig-on sa kahandam ug kaluwasan sa mga komunidad.(JENIFFER JR. DELICA)
Source: Civil Defense IX- Zamboanga Peninsula