Mitubag daun ang Bureau of Fire Protection (BFP)–Piñan sa usa ka vehicular accident nga nahitabo sa Barangay Desin, Piñan, Zamboanga del Norte niadtong Hunyo 6, diin usa ka indibidwal ang naangol.
Pag-abot sa mga responder sa lugar, ilang gisiguro ang kaluwasan sa eksena ug gisunod ang mga standard safety procedures sa pagtubag sa emerhensya. Ang pasyente nakit-an nga adunay panimuot ug naglingkod sa daplin sa dalan atol sa inisyal nga assessment.
Nasayran nga nagreklamo ang pasyente og grabeng kasakit sa wala nga abaga ug adunay mga hubag sa wala nga paa. Matud pa sa mga responder, ang pasyente gituohang nakainom og makahubog nga ilimnon sa wala pa ang insidente.
Gidumala sa EMS personnel sa BFP-Piñan ang unang pag-atiman sa pasyente aron maseguro ang iyang kahimtang. Ang operasyon gipangulohan ni SFO3 Elmar M. Pagente, Acting Municipal Fire Marshal, isip kabahin sa padayon nga serbisyo sa ahensya sa pagresponde sa mga emerhensya sa komunidad.(JENIFFER JR. DELICA)
Source: BFP R9 Piñan Fire Station