Milampos ang 11 ka Persons Deprived of Liberty (PDL) sa Alternative Learning System (ALS) sa Siocon District Jail, diin 10 ang nakahuman sa Junior High School ug usa sa Elementary level.
Ang completion ceremony kabahin sa padayon nga rehabilitasyon sa pasilidad ubos sa liderato ni Acting Jail Warden JCINSP Achmed Aziz A. Pia, nga nagtumong sa paghatag og edukasyon isip dalan sa pagbag-o sa kinabuhi sa mga PDL.
Gipasidunggan usab ang mga partner agencies ug ALS teachers nga adunay dakong papel sa paggiya ug pagdasig sa mga PDL hangtod sa ilang malampusong paghuman sa programa.
Sumala sa Siocon District Jail, ang maong kalampusan nagpakita nga pinaagi sa edukasyon, disiplina, ug suporta, adunay ikaduhang higayon ang mga PDL sa pag-andam alang sa mas maayong kaugmaon ug sa ilang pagbalik sa komunidad.(JENIFFER JR. DELICA)
Source: Siocon District Jail- BJMPR9