Miresponde dayon ang Shift A Emergency Medical Service Duty Personnel sa Liloy Municipal Fire Station sa usa ka emergency medical response niadtong alas dose kinse sa udto, Enero 2, 2026, sa Barangay Timan, Liloy. Ang operasyon gipangulohan ni Fire Inspector Dave C. Dela Cruz, Acting Municipal Fire Marshal.
Pag-abot sa lugar, gisiguro sa EMS personnel ang kahimtangan sa palibot ug ilang napalgan ang usa ka babayeng pasyente nga walay panimuot ug naglisod og ginhawa. Gilapatan dayon og paunang medikal nga tabang ang pasyente, lakip ang oxygen therapy gamit ang nasal cannula sa lima ka litro matag minuto, uban sa padayon nga supportive care.
Human sa initial medical intervention, gidala dayon ang pasyente sa Liloy Integrated Health District Hospital alang sa dugang nga pag-atiman. Padayon ang paningkamot sa Liloy Municipal Fire Station sa paspas ug epektibong paghatag og serbisyong medikal aron masiguro ang kaluwasan ug kahimsog sa katawhan.(JENIFFER JR. DELICA)
Photo Courtesy: BFP R9 Liloy Fire Station