Nagpahigayon og usa ka organisadong saturation drive ang mga personahe sa Roxas Municipal Police Station (MPS) ubos sa direktang pagdumala ni PMAJ Ronald Allan E. Tingas, OIC, uban ang lig-on nga presensya sa kapulisan aron mapalig-on ang kalinaw ug kahusay sa komunidad.
Kini nga kalihokan gipahigayon sa panagtambayayong sa 1st Zamboanga del Norte Provincial Mobile Force Company (ZNPMFC), Armed Forces of the Philippines (AFP), Bureau of Fire Protection (BFP), ug sa lokal nga panguluhan sa Barangay Marupay, nga gipangulohan ni Hon. Alfonso Ados.
Aktibong miapil usab ang mga barangay tanod, Women’s group, BPATs, ug ang mga residente sa barangay.
Tumong sa saturation drive ang pagpalig-on sa siguridad, pagpugong sa kriminalidad, ug pagpahinumdom sa katawhan sa kahinungdanon sa panaghiusa tali sa kapulisan ug komunidad. Pinaagi sa lig-on nga police presence ug kooperasyon sa nagkalain-laing sektor, napalig-on ang pagsalig sa katawhan ug napadayag ang tinuod nga diwa sa bayanihan.(IKEN B. GULLEM)
Source: Pres. Manuel A. Roxas Municipal Police Station-ZNPPO