Mitubag dayon ang Emergency Medical Service Duty Personnel sa Liloy Municipal Fire Station sa usa ka medical emergency niadtong ala 1:42 sa hapon, Pebrero 6, 2026, sa Vallesvilles, Barangay Fatima, Liloy, Zamboanga del Norte. Ang operasyon gipangunahan ni FINSP Dave C. Dela Cruz, Acting Municipal Fire Marshal.
Pag-abot sa lugar, nasuta sa EMS team ang usa ka babaye nga pasyente nga naghigda ug nag-antos og sakit sa dughan ug kalisod sa pagginhawa. Giluwas ug gi-secure ang area ug dayon gibutang ang pasyente sa spine board alang sa hustong immobilization.
Gihatagan dayon og first aid ang pasyente lakip ang oxygen therapy gamit ang nasal cannula sa dos ka litro matag minuto, samtang gimonitor ug girekord ang iyang vital signs. Human niini, gilarga ang pasyente sakay sa BFP ambulance padulong sa Liloy Integrated District Hospital alang sa dugang nga medikal nga pag-atiman.(JENIFFER JR. DELICA)
Source: BFP R9 Liloy Fire Station