Nakahatag og 160 ka packs sa relief goods ang Lokal nga pangagamhanan sa Siocon ngadto sa mga Persons Deprived of Liberty(PDL) sa Siocon District Jail niadtong Pebrero 6, 2026. Ang kalihukan gipangunahan ni JCINSP Achmed Aziz A. Pia, Acting Jail Warden, ug gi-facilitate ni Assistant Warden SJO3 Andres B. Paraguya.
Ang mga relief goods naglangkob og bugas, nagkalain-laing de-lata, ug mga basic hygiene items sama sa sabon, toothpaste, ug water dipper. Gitumong niini ang pagdugang sa adlaw-adlaw nga panginahanglan ug pagpalambo sa kaayohan sa mga PDL samtang nagpadayon ang ilang rehabilitasyon.
Nagpaila ang kalihukan sa padayon nga panagtinabangay tali sa LGU Siocon ug sa administrasyon sa prisohan sa pagpalig-on sa makataong pag-atiman, dignidad, ug malasakit alang sa mga PDL.(JENIFFER JR. DELICA)
Source: Siocon District Jail