Gipakita sa mga personnel sa Liloy Fire Station ang ilang suporta sa kabatan-onan pinaagi sa “Adopt a Student Initiative Program” niadtong Pebrero 6, 2026. Ang kalihukan gipangunahan ni FINSP Dave C. Dela Cruz, Acting Municipal Fire Marshal, uban ang gi-adopt nga estudyante sa estasyon.
Ang programa sa Bureau of Fire Protection Region IX nagtumong sa paghatag og tabang, giya, ug mga oportunidad sa mga estudyante aron mapalambo ang ilang edukasyon ug personal nga kalamboan. Pinaagi niini, mas napaligon ang relasyon tali sa BFP ug sa komunidad, ilabina sa kabatan-onan.
Kini nga inisyatibo nagpakita sa padayong paningkamot sa BFP sa paghulma og mas hayag nga kaugmaon alang sa mga batan-on, samtang ginapalig-on ang papel sa serbisyo publiko nga dili lang sa kaluwasan, kondili usab sa pag-atiman ug pag-amuma sa komunidad.(JENIFFER JR. DELICA)
Source: BFP R9 Liloy Fire Station