LILOY, Zamboanga del Norte — Daling miresponde ang Emergency Medical Service Duty Personnel sa Liloy Municipal Fire Station sa usa ka aksidente sa kadalanan nga nahitabo sa Barangay Overview alas 3:39 sa hapon niadtong Pebrero 21, 2026.
Pag-abot sa lugar, gisiguro sa responding team ang kaluwasan sa palibot ug nasuta nga ang pasyente lingkod, buhi, ug responsive. Nakita ang gagmay’ng garas sa wala nga aping ug bukton, ug bun-og sa wala nga bahin sa tiyan.
Gipatuman dayon sa EMS personnel ang spinal immobilization pinaagi sa pagbutang og cervical collar ug pagbalhin sa pasyente ngadto sa spine board. Gilimpyohan ang mga samad ug gitabunan og sterile dressings sa wala pa ihatod sakay sa BFP ambulance padulong sa Liloy Integrated District Hospital alang sa dugang medikal nga pag-atiman.
Nagpadayon ang Liloy MFS sa paghatag og paspas ug propesyonal nga emergency response aron masiguro ang kaluwasan sa komunidad.(JENIFFER JR. DELICA)
Source: BFP R9 Liloy Fire Station