Naghatag og emergency first aid ang EMS personnel sa Leon B. Postigo Municipal Fire Station sa usa ka 8-anyos nga batang babaye nga miadto sa estasyon niadtong Marso 8, 2026 sa Poblacion, Leon B. Postigo, Zamboanga del Norte human masamad ang iyang tiil.
Nasamdan ang bata sa kumagko sa tuo nga tiil tungod sa pagkatunoob niini og bildong nabuak samtang naglakaw pauli. Dali nga gi-assess sa EMS personnel ang kahimtang ug gihatagan dayon og unang tabang.
Gihinloan ang samad gamit antiseptic solution ug gitabunan og sterile gauze dressing aron mapugngan ang pagdugo ug malikayan ang impeksyon.
Gitambagan usab ang pasyente nga moadto sa duol nga Rural Health Unit alang sa dugang nga medical evaluation, ug mibiya sa fire station nga stable ang kahimtang uban sa iyang guardian.(JENIFFER JR. DELICA)
Source: BFP R9 Leon B. Postigo Fire Station