Gipalig-on sa Liloy District Jail ang kampanya batok sa iligal nga droga pinaagi sa pagpahigayon og drug symposium, Joint Greyhound Operation ug 3rd Quarter Drug Testing alang sa mga Persons Deprived of Liberty (PDLs) ug jail personnel.
Ang maong kalihokan gipangulohan sa Liloy District Jail ubos sa pagdumala ni JCINSP Joseph Rey M. Lendio, sa pakigtambayayong sa Philippine Drug Enforcement Agency (PDEA) Zamboanga del Norte ug sa Liloy Rural Health Unit.
Sa wala pa ang symposium, gipahigayon una ang Joint Greyhound Operation aron masiguro nga walay iligal nga droga ug uban pang kontrabando sulod sa pasilidad. Gisundan kini sa drug testing nga gipahigayon sa medical personnel sa Liloy Rural Health Unit aron masiguro ang hapsay ug kredibleng screening process.
Matud sa BJMP, kabahin ang maong mga inisyatiba sa padayon nga pagpalig-on sa disiplina, accountability ug pagmintinar sa usa ka luwas, hapsay ug drug-free nga palibot alang sa mga personnel ug Persons Deprived of Liberty.(JENIFFER JR. DELICA)
Source: Liloy District Jail- BJMPR9