Dali nga miresponde ang Emergency Medical Service Duty Personnel sa Labason Municipal Fire Station sa usa ka vehicular accident nga nahitabo sa Barangay Osukan, Labason, Zamboanga del Norte niadtong Marso 3, 2026. Ang operasyon gihimo ubos sa direktang superbisyon ni FINSP Joel S. Sabijon, Acting Municipal Fire Marshal.
Pag-abot sa lugar, gilayon nga gisusi sa rescue team ang kahimtang sa mga pasyente ug gihatagan og unang tabang medikal. Gilimpyohan ang mga samad ug gibutangan og hustong benda samtang gisiguro ang kaluwasan ug kaharuhay sa mga biktima.
Human sa inisyal nga pagtambal, dali nga gidala ang pasyente sa Labason District Hospital alang sa dugang nga medikal nga ebalwasyon ug pagtambal.
Gipasiugda sa estasyon nga magpadayon sila sa paghatag og paspas ug episyenteng emergency response aron mapanalipdan ang kinabuhi ug kahimsog sa komunidad.(JENIFFER JR. DELICA)
Source: BFP R9 Labason Fire Station