Paspas nga mitubag ang EMS personnel sa Labason Municipal Fire Station ubos sa pagpanguna ni FINSP Joel S. Sabijon, Acting Municipal Fire Marshal, ngadto sa usa ka aksidente sa kadalanan nga nahitabo sa Barangay Lopoc.
Pag-abot sa lugar, gilayon nga gisiguro sa responders ang kahimtang sa mga pasyente ug gihimo ang agarang assessment aron matubag ang ilang medikal nga panginahanglan.
Gihatagan dayon og first aid ang mga naangol pinaagi sa paglimpyo sa samad ug pagbutang og tukmang dressing aron mapugngan ang paglala sa ilang kahimtang samtang gisiguro usab ang ilang kaluwasan ug kaharuhay.
Human sa inisyal nga pagtambal, dali nga gidala ang pasyente ngadto sa Labason District Hospital alang sa dugang medical evaluation ug tukmang pagtambal.(JENIFFER JR. DELICA)
Source: BFP R9 Labason Fire Station