DIPOLOG CITY — Gipasidan-an ang mga residente sa Dakbayan sa Dipolog nga magmatngon ug mag-amping tungod kay gilauman nga mosaka sa peligrosong 46°C ang heat index, Mayo 17, 2026.
Sumala sa weather monitoring reports, ang maong lebel sa kainit mahimong hinungdan sa heat exhaustion, dehydration, heat cramps, ug heatstroke ilabina sa mga tawo nga dugay ma-expose sa init sa adlaw.
Giawhag sa mga otoridad ang publiko nga mag-inom kanunay og tubig, likayan ang dugay nga pagpabilin sa gawas panahon sa udtong tutok, ug magsul-ob og gaan nga sinina aron malikayan ang grabeng epekto sa kainit.
Gitambagan usab ang mga kabataan, senior citizens, ug mga adunay sakit nga magpabiling sulod sa balay ug bantayang maayo ang ilang kahimtang samtang nagpadayon ang grabeng kainit sa panahon.(JENIFFER JR. DELICA)
Source: Zamboanga del Norte Provincial News Network