Nagpahigayon og Gabay Zanorte Division Career Expo ang Department of Education – Schools Division of Zamboanga del Norte niadtong Marso 9, 2026 aron matabangan ang mga Grade 12 nga estudyante sa pagpili sa ilang umaabot nga karera.
Ang kalihokan gihimo sa Zamboanga del Norte Cultural and Sports Complex ug gitambongan sa mga estudyante gikan sa nagkadaiyang eskwelahan sa probinsya, ilabina sa Cluster I ug II.
Gitumong sa Career Expo nga mahatagan og impormasyon ang mga estudyante bahin sa nagkalain-laing kurso sa kolehiyo, trabaho, ug oportunidad sa lain-laing sektor pinaagi sa mga orientation ug presentasyon gikan sa nagkalain-laing institusyon ug ahensya.
Sumala sa DepEd, ang maong kalihokan kabahin sa pagpalig-on sa career guidance program aron matabangan ang mga kabatan-onan sa hustong pagplano sa ilang umaabot human sa senior high school.
News and photo by: JENIFFER JR. DELICA