Nagpahigayon ang Bureau of Fire Protection Katipunan og Basic Life Support Seminar ug Fire Safety Orientation alang sa mga day care workers sa Barangay Uno, Katipunan, Zamboanga del Norte, ubos sa pagpanguna ni FINSP Richard A. Parame, Acting Municipal Fire Marshal.
Gipunting sa kalihokan ang praktikal nga kahibalo sama sa first aid sa choking o pagbara sa agianan sa pagginhawa, cardiopulmonary resuscitation, rescue breathing, ug hustong fire safety education, lakip na ang mga angay ug dili angay buhaton kon adunay sunog.
Pinaagi niini, gipalig-on sa BFP ang kahanduman ug kapasidad sa mga day care workers sa pag-atiman sa emerhensiya, ilabina sa kahimtangan nga naglakip sa mga bata, isip kabahin sa padayong paningkamot sa pagpanalipod sa komunidad ug pagpalambo sa kaluwasan sa katawhan.(JENIFFER JR. DELICA)