Mipahigayon ang Police Regional Office 9 og “Remembering Our Fallen Heroes” Awareness Campaign atol sa regular nga Monday Flag Raising Ceremony niadtong Enero 12, 2025, nga gitambongan sa mga opisyal ug personahe gikan sa nagkalain-laing yunit sa Regional Headquarters.
Gitumong sa kalihukan ang pagpasidungog ug paghinumdom sa mga kapulisan nga mihalad sa ilang kinabuhi samtang nagserbisyo sa katawhang Pilipino. Pinaagi niini, gipalig-on usab ang mga bili sa kaisog, integridad, ug walay pagpanuko nga pag-alagad nga gipakita sa mga nahulog nga bayani sa uniporme.
Sa iyang mensahe, gipasiugda ni Police Brigadier General Edwin A. Quilates, Regional Director sa PRO 9, nga ang sakripisyo sa mga nahulog nga kapulisan magpabiling giya sa organisasyon sa pagpadayon sa propesyonalismo, integridad, ug pagsalig sa katawhan. Matod pa niya, ang paghinumdom kanila dili lamang seremonyal kundili usa ka padayong saad nga ipadayon ang ilang gibilin nga panulondon nga mao ang matinud-anong pagserbisyo alang sa kalinaw ug kaluwasan sa komunidad.(JENIFFER JR. DELICA)