Mitubag dayon ang Jose Dalman Municipal Fire Station Shift B personnel sa usa ka medical emergency nga nahitabo sa Brgy. Lipay, Jose Dalman, Zamboanga del Norte aron matabangan ang pasyenteng nanginahanglan og agarang pag-atiman.
Pag-abot sa responders sa lugar, ilang gisiguro ang seguridad sa palibot samtang dayong gisusi ang kondisyon sa pasyente ug gikuhaan og vital signs isip kabahin sa emergency response procedure.
Gidala dayon ang pasyente ngadto sa Local Health Unit pinaagi sa patient transport vehicle sa MDRRMO aron mahatagan og dugang medikal nga pag-atiman ug hustong tambal.
Nagpahimangno usab ang Jose Dalman Fire Station sa publiko nga magpadayon sa pag-amping aron malikayan ang mga emerhensya samtang nagpabilin silang andam sa pagserbisyo 24 oras matag adlaw alang sa kaluwasan sa komunidad.(JENIFFER JR. DELICA)
Source: BFP R9 Jose Dalman Fire Station