Ang Dipolog City Fire Station, nga gipangulohan ni FCINSP Rommel S. Carpio, misalmot sa gipahigayon nga Nationwide Family Values Seminar pinaagi sa Facebook livestream niadtong Agosto 27, 2025.
Ang maong kalihokan kabahin sa padayon nga inisyatibo sa Bureau of Fire Protection (BFP) aron mapalig-on ang moral nga integridad ug mapakusog ang pundasyon sa mga pamilyang Pilipino.
Lakip sa mga gihatag nga pagtulun-an sa maong seminar mao ang pagpangita og paagi aron mas mapalawom ang relasyon sulod sa pamilya, pagmintinar sa hustong balanse tali sa trabaho ug personal nga kinabuhi, ug pagpatuman sa etikal nga pamantayan nga gilauman sa mga lingkod-bayan.
Sumala sa BFP, ang maong kalihokan nagtumong sa pagpalig-on sa positibong Filipino values, pagtukod og lig-on nga relasyon sulod sa panimalay, ug pagpangandam sa matag bumbero nga mahimong modelo sa pagkamaayo ug pagkamatinud-anon sa serbisyo publiko.
Pinaagi sa aktibong pag-apil sa Dipolog City Fire Station, nagpakita kini sa hugot nga suporta sa BFP sa pagpaningkamot nga mapaabot ang mga programa nga makahatag og dugang kaalam ug giya sa mga personahe sa organisasyon, ilabi na sa aspeto sa family values ug moralidad.(Jumalisa Papa)
Source: BFP R9 Dipolog City Fire Station