Gidawat sa 1st Zamboanga del Norte Provincial Mobile Force Company ang mga criminology intern students sa Saint Vincent’s College ilalom sa pagpanguna ni Police Lieutenant Colonel Ryan Jay R. Capurcos, Force Commander.
Kabahin sa kalihukan ang usa ka lecture nga gipahigayon ni Police Corporal Emy Grace E. Gonzaga nga mitutok sa hinungdanong mga balaod sama sa Republic Act Number 9262 o Anti-Violence Against Women and Their Children Act, Republic Act Number 8551 o Philippine National Police Reform and Reorganization Act, ug Republic Act Number 8353 o Anti-Rape Law.
Tumong sa lecture nga mapalapad ang kahibalo sa mga estudyante bahin sa proteksyon sa tawhanong katungod, responsibilidad sa law enforcement personnel, ug pagpalig-on sa hustisya ug kaluwasan sa publiko, isip kabahin sa ilang on-the-job training ug pagpangandam isip responsableng propesyonal sa umaabot.(JENIFFER JR. DELICA)