Mitubag dayon ang Emergency Medical Responder sa BFP Dipolog City Fire Station sa usa ka medikal nga emerhensiya nga nahitabo sa Brgy. Olingan, Dipolog City niadtong nilabay nga adlaw ubos sa pagpangulo ni FSINSP Aprilyn B. Barbaso, acting City Fire Marshal.
Pag-abot sa responders sa lugar, ilang nakaplagan ang usa ka pasyente nga adunay panimuot apan naghigda sa daplin sa dalan ug adunay dili normal nga kahimtang sa tuo nga tuhod.
Gihatagan dayon og unang tabang ang pasyente diin gisuportahan ug gipahimutang ang samad nga tuhod pinaagi sa splint aron malikayan ang dugang kadaot samtang gisiguro usab ang kahupayan sa pasyente.
Gipakita sa BFP Dipolog ang paspas ug episyenteng pagresponde isip kabahin sa ilang padayong pag-atiman sa kaluwasan ug panglawas sa katawhan sa syudad.(JENIFFER JR. DELICA)
Source: BFP R9 Dipolog City Fire Station