Midawat og medical cash assistance ang walo ka residente sa Dipolog City pinaagi sa Assistance to Individuals in Crisis Situations o AICS program atol sa distribution nga gihimo sa City Mayor’s Office niadtong Mayo 26, 2026.
Gitugyan ang maong ayuda ubos sa local funds sa City Government of Dipolog diin mitambong usab si City Mayor Roberto Y. Uy isip kabahin sa suporta sa lokal nga panggamhanan sa mga nanginahanglan.
Gitumong sa programa ang paghatag og agarang tabang sa mga residente nga nag-atubang og problema sa panglawas ug pinansyal aron mapagaan ang ilang kahimtang.
Gipasiugda sa city government ang padayong commitment niini sa paghatag og malasakiton ug episyenteng serbisyo publiko alang sa mga Dipolognon nga nanginahanglan og medikal ug pinansyal nga suporta.(JENIFFER JR. DELICA)
Source: Dipolog City Government