KATIPUNAN, ZAMBOANGA DEL NORTE — Gipahigayon sa Lokal nga Panggamhanan sa Katipunan ang clean-up drive isip kabahin sa pagsaulog sa World Water Day aron mapanalipdan ang mga tinubdan sa tubig ug mapalambo ang responsableng pag-atiman sa kinaiyahan.
Gipunting sa kalihokan ang kahinungdanon sa pagmintinar sa kalimpyo sa palibot aron masiguro ang luwas ug limpyo nga suplay sa tubig alang sa komunidad.
Apil sa aktibidad ang mga empleyado sa LGU nga nagtinabangay sa pagpanglimpyo ug pagdasig sa katawhan nga makigbahin sa pagpanalipod sa kalikupan.
Pinaagi niini, gipalig-on sa LGU Katipunan ang paningkamot sa paghimo og mas himsog ug malungtarong komunidad.(JENIFFER JR. DELICA)
Source: Bag-ong Katipunan