Gipahigayon sa Sindangan District Jail ang water baptism activity alang sa Persons Deprived of Liberty niadtong Abril 24, 2026, diin walo ka lalaking PDL ang miapil sa maong ritwal.
Gipangulohan ang kalihokan ni Warden JCINSP Arvin Dan R. Aguito pinaagi sa Interfaith Development Officer nga si JO1 Cherylyn M. Abapo, uban sa pakigtambayayong sa Seventh-day Adventist Church nga gipangulohan ni Pastor Amorlito Hamoy.
Gilangkuban ang maong aktibidad sa pag-ampo, pagsimba, ug pagwali nga nagpunting sa paghinulsol ug espirituhanong pagbag-o sa kinabuhi sa mga PDL.
Gipakita sa kalihokan ang padayon nga paningkamot sa BJMP sa pag-atiman sa kinatibuk-ang kaayohan sa mga piniriso, lakip ang ilang espirituhanong rehabilitasyon.(JENIFFER JR. DELICA)
Source: Sindangan District Jail- BJMPR9