Aktibong miapil ang Dapitan City Fire Station sa ikaduhang quarter sa Nationwide Simultaneous Earthquake Drill (NSED) 2026 niadtong Hunyo 18 isip kabahin sa padayon nga pagpalig-on sa kahandam sa mga emerhensiya.
Ubos sa pagpanguna ni Acting City Fire Marshal FSINSP Rommel M. Rojas, nagpatuman ang mga personnel sa estasyon sa standard earthquake safety procedure nga “Duck, Cover, and Hold” sulod sa ilang opisina ug operasyon nga pasilidad.
Ang maong drill nagtumong sa pagpalambo sa kahibalo ug kahandam sa mga personnel kon adunay linog aron masiguro ang husto ug organisadong pagtubag panahon sa emerhensiya.
Sumala sa Bureau of Fire Protection, ang regular nga pag-apil sa mga earthquake drill maoy usa sa mga lakang aron mapalig-on ang kultura sa kaluwasan ug disaster preparedness sa komunidad, ilabina sa mga lugar nga mahimong maapektuhan sa natural nga kalamidad.(JENIFFER JR. DELICA)
Source: BFP R9 Dapitan City Fire Station