Misulat og kasaysayan ang unang edisyon sa Nak Muay Series human malampusong mapahigayon sa Dakbayan sa Dipolog niadtong Agosto 1, nga nagtigom sa mga Muay Thai fighters gikan sa nagkalain-laing rehiyon sa nasud ug gidayeg sa daghang mga tumatan-aw.
Dili lang ordinaryong torneyo ang nahitabo kondili usa ka dekalidad nga fight event nga nagpakita sa talento, disiplina, ug kusog sa mga atleta sulod sa ring. Napuno usab ang venue sa mga supporters nga misuporta sa ilang paboritong mga mananambong.
Gilauman sa mga organisador nga mahimong sinugdanan kini sa mas daghang Muay Thai events sa Dipolog aron mapalambo ang combat sports sa probinsya ug mahatagan og mas dagkong oportunidad ang mga lokal nga mananambong sa maong dula.
Matud pa sa mga organisador, magpadayon ang Nak Muay Series sa umaabot nga mga bulan aron mas mapalig-on pa ang Muay Thai sa Zamboanga del Norte ug mahatagan og world-class nga kasinatian ang mga atleta ug mga sports enthusiasts sa rehiyon.(JENIFFER JR. DELICA)
Source: Nak Muay Series- NMS