Nakigkita si Cong. Adrian Ian Amatong kang Undersecretary Atty. Peter Irving Corvera, Assistant Secretary Jess Abalos ug Mr. Erwin Lozano aron hisgutan ang mga prayoridad nga concern sa edukasyon alang sa 3rd District sa Zamboanga del Norte.
Atol sa maong courtesy visit, gipasiugda ni Cong. Amatong ang panginahanglan sa pag-ayo ug pagtukod og mga school buildings, lakip na ang pagpalig-on sa ubang educational support programs aron mapalambo ang kahimtang sa pagtuon sa mga estudyante sa distrito.
Matud pa sa kongresista, importante nga mahatagan og hustong pasilidad ug suporta ang mga eskwelahan aron mas mapalapdan ang oportunidad sa kabatan-onan ug mas mapalambo ang kalidad sa edukasyon sa lugar.
Padayon usab ang paningkamot sa paghatag og ligdong ug matarong nga serbisyo alang sa edukasyon ug kaugmaon sa mga kabataan sa 3rd District.(IKEN B. GULLEM)
Source: Team Adrian Amatong