Malampusong napahigayon sa mga personahe sa Department of Labor and Employment (DOLE) Zamboanga Del Norte Field Office ning dakbayan sa Dipolog, ang Basic Occupational Safety and Health Safety for Micro Enterprises, diin kini didto gipahigayon sa 2nd Floor, Social Hall, Museo Dipolog, niadtong, Setyembre 22, 2025.
Ang nasangpit nga aktibidad gipangunahan sa Provincial Head sa naasoy nga Buhatan, pinaagi ni Ms Aileen B. Mondejar, diin gipasabot niini ngadto sa mga partesipante ang kamahinongdanon sa maong Training, aron ilang masayran ang insaktong pagdumala sa ilang kaugalingon nga panginabuhian, maingon man ang seguridad usab sa matag indibidwal, nga nanarbaho sulod ning maong Lalawigan.
Tumong matud pa sa naasoy nga Training, aron mahatagan og dugang kaalam ug kahibalo ang mga misalmot niini, kabahin sa pagpa-uswag sa ilang mga ginagmay nga negosyo, maingon man aron usab masayran sa mga nagtrabaho sulod ning Probinsiya sa Zanboanga Del Norte, ang ilang katungod isip mga empleyado sa Pribadong buhatan ug sa unsa mang matang sa patigayon sulod ning maong Probinsiya.(Julius Esmade)
Source: CITY GOVERNMENT OF DIPOLOG