Gipahigayon sa mga personahe sa Bureau of Fire Protection (BFP) sa Dapitan City Fire station ang Operational Readiness para sa masinatian nga Super Typhoon “Nando” diin gimonitor niini ang sitwasyon sa panahon, kinsa naka standby ang nasangpit nga mga personahe sa Boulevard sa Barangay Dawo, sa naasoy nga dakbayan, Probinsiya sa Zamboanga Del Norte, niadtong Setyembre 22, 2025.
Nasayran nga gibuhat sa nasangpit nga mga personahe ang naasoy nga pagpangadam, pinaagi sa inisyatiba ni City Fire Marshal Fsinsp Aprilyn B. Barbaso, aron matud pa maihatag dayon nila ngadto sa publiko ang ilang mga gikinahanglan nga tabang, kon maka mugna man og kadaot ang nahisgutang Super Typhoon, nga si “Nando”.
Sa pahayag nga giluwatan sa BFP Dapitan ngadto sa Publiko, nga dili angay magkompyansa, bisan nga wala nakasinati ang syudad sa Dapitan og kusog nga Hangin ug Ulan, magpabilin sa gihapon nga magbinantayon sa palibot, ug kung ugaling adunay unsa mang matang sa emerhinsiya nga masinatian sa inyong mga Lugar, itawag lamang dayon kini ngadto sa ilang mga Hotline Number’s, aron ila dayon kining ma-respondihan.(Julius Esmade)
Source: DAPITAN CITY FIRE STATION