Hugtanong gipatuman sa mga personahe sa Dapitan City Police Station ang Awareness Campaign, diin mipahigayon kini og nagkadaiyang nga aktibidad sa mga kabarangayan nga sakop sa nahisgutang dakbayan, diin kagahapong adlawa,Setyembre 23, 2025, gipangunahan ni Pcms Marwin Cimafranca ang Programang Barangay Visitation, didto sa Barangay Banbanan.
Nasayran nga ang maong pagbisita sa mga kapulisan sa nasangpit nga Barangay, aron sa pagpang-apod-apod og mga Information Education and Communication (IEC) Material’s, ngadto sa matag panimalay, isip bahin sa Programang Strong Police Presence, nga ang tinguha niini, ang pagpakiglambigit sa Pubilko alang sa seguridad sa katawhan, maingon man, aron usab magpabilin ang Kahapsay ug Kalinaw sa mga kabarangayan sa dakbayan sa Dapitan.
Gipangunahan usab ni Pssg Manuel Projo III ang programang School Visitation sa mao ra gihapon nga Barangay, diin mipahigayon kini og hamobo nga Lektura kabahin sa Anti-Bullying Act, ngadto sa mga Grade-6 Student’s, aron masayran sa mga bata, nga aduna silay masupak nga balaod kon ugaling mangaway sila sa ilang mga Classmate.
Nasayran nga ang Dapitan City usa sa mga lugar nga nagpabilin ang Kahapsay ug Kalinaw sa tibuok Probinsiya sa Zamboanga Del Norte, maong daghan ang mga Torista nga nagtinguhang mobisita sa nasangpit nga Syudad.(Julius Esmade)