Nasakmit sa mga personahe sa kapulisan ang mutimbang sa usa ka gramo sa ilegal na drugas gikan sa usa ka Street Level Individual (SLI) atol sa gipatoman nga joint buy-bust operation mga alas 9:52 sa gabii niadtong Agosto 11, 2026, didto sa Purok 2, Barangay Bobongan, Labason, Zamboanga del Norte.
Ang maong nakumpiska nga ilegal na drugas nga nakuha gikan sa usa ka 57 anyos nga lalaking SLI, pinaagi sa mga personahe sa Labason Municipal Police Station, uban sa pakigtambayayong sa Philippine Drug Enforcement Agency 9 – Zamboanga del Norte, Zamboanga del Norte 2nd Provincial Mobile Force Company, ug 905th Maneuver Company, Regional Mobile Force Battalion 9.
Atol sa operasyon nadiskubrehan sa kapulisan ang lain-laing heat-sealed transparent plastic sachet nga adunay sulod sa gituohang ilegal nga drugas nga adunay standard drug price nga P6,800.00, lakip ang P500 nga gigamit isip buy-bust money.
Ang mga nakumpiska nga gidudahang ilegal nga droga ipadala sa Zamboanga del Norte Provincial Forensic Unit Satellite Office sa Liloy alang sa qualitative ug quantitative nga eksaminasyon.
Samtang ang suspek gidala sa usa ka lokal nga ospital alang sa physical ug medical nga eksaminasyon ug kasamtangang anaa sa temporaryong kustodiya sa Labason Municipal Police Station alang sa hustong disposisyon ug angay nga legal nga proseso.(MEDALYN U. BORJA)
Source: ZNPPO