Gikan sa katiguwangan hangtod sa mga kabataan nga mga lumulupyo sa Barangay New Tangub, Sergio Osmeña nagpunsisok kini ug linya aron mopahimulos sa Gugma Ayuda Ni Nanay Nene Outreach Program nga gipahigayon sa Covered Court sa nasangpit nga lugar.
Gikalipay nila kinit ungod kay sa unang higayon gipaabot ang tiunay nga ayuda gikan sa kagamhanang probinsyal ubos sa liderato ni Governor Rosalina “Nanay Nene” Jalosjos nga walay bulok sa politika ang paghatag serbisyo sa katawhan.
Nanghinaot si Nanay Nene nga makatabang kini aron maibsan ang gibati nga kalisod sa mga katawhan nga nasinati sa kahagip-ot sa inadlaw nga panginabuhi.
Samtang si Atty. Ivan Patrick Ang, Coordinator sa Gugma Ayuda Ni Nanay Nene ang mihatag sa 150 ka mga school supplies sa mga magtutungha sa New Tangub Elementary School.
Gikahibaloan nga adunay 200 ka putos sa vermicast, liso sa utanon, corn seeds ug abuno ang gihatag sa Office of the Provincial Agriculturist (OPAG).
Adunay gipahigayon nga anti-rabies vaccine sa mga iro pinaagi sa Provincial Veterenarian Office (PROVET) ug nanghatag usab kini sa mga bitamina, deworming ug 500 ka carabao milk ice candy.
Paghidangat pa lamang sa katawhan sa covered court sa New Tangub Elementary School, gitagbo na sila sa lamiang champorado gikan sa Provincial Social Welfare and Development Office (PSWDO).
(Source: Provincial Information Center Zanorte Facebook page)