Mobalor sa kapin P 4.11 Milyones ka pesos nga smuggled nga sigarilyo ang malampusong nakumpiska sa mga personahe sa kapulisan gikan sa usa ka driver atol sa gipatoman nga Intel driven operation niadtong Hunyo 19, 2026, mga ala 1:30 sa kaadlawon, didto sa Brgy Potungan, Dapitan City.
Ang maong kontrabando nakuha gikan sa usa ka 41 anyos nga lalaki, minyo, drayber ug residente sa Brgy. Turno, Dipolog City, Zamboanga Del Norte,kinsa gidakop tungod sa kalapasan sa Republic Act No. 10643, o nailhan usab nga Graphic Health Warning Law.
Ang pagdakop sa suspek ug pagkakumpiska sa kontrabando gihimo pinaagi sa mga operatiba sa ZNPIU, isip lead unit, uban sa koordinasyon sa mga personahe sa ZNPMFC ug Dapitan CPS.
Atol sa operasyon nakuha sa mga operatiba gikan sa suspek ang lain-laing de kahon sa ilegal nga mga sigarilyo nga adunay kinatibuk-ang 70 ka master case nga adunay kantidad nga mokabat sa Php 4,011,000.00 basi sa Bureau of Customs (BOC).
Ang suspek gipahibalo sa hinungdan sa iyang pag-aresto ug mga katungod konstitusyon nga iyang hingpit nga nasabtan ug ang mga nakumpiska nga butang gidala sa Dapitan CPS alang sa hustong disposisyon.(MEDALYN U. BORJA)
Source: ZNPPO