Mikabat sa 14 ka pasyente ang malampusong naoperahan sa unang adlaw sa surgical mission nga gipahigayon sa Zamboanga del Norte Medical Center sa Dipolog City niadtong Marso 18.
Gipunting sa maong inisyatibo ang paghatag og libre ug dekalidad nga serbisyo medikal sa mga pasyente nga nanginahanglan og operasyon sa probinsya.
Sumala sa medical team, ang kalihukan nagpakita sa koordinasyon ug dedikasyon sa mga health workers sa paghatag og hapsay ug episyenteng serbisyo sa mga benepisyaryo.
Gipasiugda usab nga magpadayon ang surgical mission aron mas daghang pasyente ang matabangan ug mahatagan og kahigayunan sa maayong panglawas.(JENIFFER JR. DELICA)
Source: Zamboanga del Norte Medical Team