Giinagurahan niadtong Oktubre 21, 2025, ang Alberto P. Concha School of Medicine building sa Dipolog Medical Center (DMC) College Foundation, Inc. nga nahimutang sa Barangay Sta. Filomena, Dakbayan sa Dipolog.
Mitambong sa maong seremonya si City Mayor Roberto Y. Uy, Zamboanga del Norte Governor Darel Dexter T. Uy, uban sa ubang mga opisyal ug dunggang bisita. Ang maong kalihokan nagtimaan sa bag-ong yugto sa pagtukod og mas lig-on nga medikal nga edukasyon sa rehiyon.
Ang bag-ong building gilauman nga makatabang sa pagsangkap sa mga estudyante og de-kalidad nga kahibalo ug kasinatian sa medisina, ug sa pagpalapad sa serbisyo panglawas sa tibuok probinsya. Ang proyekto nagpakita sa padayon nga paningkamot sa lokal ug pribadong sektor aron mapalambo ang edukasyon ug kahimsog sa katawhan.(Jeniffer Jr. Delica)
Source/Photo Courtesy: Dipolog City Government