Gipangunahan sa City Social Welfare and Development Office (CSWDO) ang Orientation on Early Childhood Care and Development (ECCD) Program nga gitambongan sa mga punong barangay sa dakbayan sa Dipolog, kaniadtong Oktubre 21, 2025.
Sa maong kalihokan, gihatagan ug mainitong pagsalubong ni City Social Welfare and Development Officer Patrick S. Jalapadan ang mga partisipante, samtang si City Mayor Roberto Y. Uy nagpahayag sa iyang bug-os nga suporta sa mga inisyatiba nga nagpalig-on sa kaayohan ug sayong edukasyon sa mga kabataan sa Dipolog.
Mitambong usab si City Councilor Atty. Roseller L. Barinaga, Chairman sa Committee on Education, isip usa sa mga resource speaker, uban ni ECCD Focal Person Ms. Herma P. Campos.
Ang maong oryentasyon nagtumong sa pagpalig-on sa kaamgohan ug partisipasyon sa mga barangay leaders sa pagpasiugda sa kalidad nga pag-atiman ug edukasyon alang sa kabataang Dipolognon.(Iken B. Gullem)