Nagpalig-on pa sa delivery sa serbisyo publiko ang Provincial Government of Zamboanga del Norte pinaagi sa pagpalit ug pagturn-over sa mga bag-ong sakyanan alang sa lain-laing buhatan sa probinsya.
Gipangunahan ni Governor Darel Dexter T. Uy ang blessing ug ceremonial turn-over sa mga units niadtong Mayo 20, 2026 sa Capitol Grounds sa Dipolog City.
Lakip sa gibendisyunan ang 12 ka brand new 2025 BYD Shark 6 Advanced pick-ups, upat ka emergency response vehicles, usa ka boom truck ug usa ka Toyota Lite Ace para sa Office of the Provincial Agriculturist.
Giingon sa kapitolyo nga ang mga sakyanan gamiton aron mas mapadali ang paghatod sa serbisyo ug mga programa sa gobyerno ilabina sa mga komunidad nga layo sa sentro sa probinsya.
Gitugyan ang mga pick-up units ngadto sa mga board members, sa buhatan sa Vice Governor ug sa PDRRMO samtang ang ubang emergency vehicles temporaryong gipailawom sa Office of the Governor.
Ang Toyota Lite Ace napalit pinaagi sa Kadiwa Financial Grant Assistance Program aron makatabang sa operasyon sa sektor sa agrikultura sa probinsya.(IKEN B. GULLEM)
Source: Zamboanga del Norte Provincial News Network