Mokabat sa 260 ka sako sa inbred rice seeds ang gipanghatag sa City Government of Dapitan pinaagi sa City Agriculture Office isip kabahin sa pagsaulog sa Farmers and Fisherfolks Month karong Mayo.
Tumong sa maong programa nga mapalig-on ang produksyon sa humay ug matabangan ang panginabuhian sa mga mag-uuma sa syudad.
Sumala ni City Agriculturist Cyril A. Patangan, dako’g tabang ang maong binhi aron mapalambo ang produksiyon ug kapasidad sa mga mag-uuma batok sa mga hagit sa agrikultura.
Gipasabot usab ni Mayor Evelyn T. Uy nga padayon ang suporta sa lokal nga gobyerno sa mga mag-uuma ug mangingisda tungod kay sila maoy dakong haligi sa food security ug kalamboan sa Dapitan City.
Nagpasalamat usab si Ms. Jumawan, presidente sa United Sulangon Farmers Association, alang sa suporta nga gihatag sa siyudad ug sa Department of Agriculture-Regional Field Office IX ngadto sa mga mag-uuma.
Kabahin usab sa kalihokan ang talento presentation sa mga mag-uuma isip pagpasalamat sa lokal nga gobyerno ug mga partner agencies.
Samtang, giingon ni SP Committee on Agriculture Chairperson Dennis A. Tan nga nagpakita ang maong kalihokan sa lig-on nga panaghiusa tali sa gobyerno ug sektor sa agrikultura alang sa mas lig-on ug malungtarong kaugmaon sa Dapitan City.(IKEN B. GULLEM)
Source: Dapitan City Agriculture Office