Gidawat ug gisuportahan sa Department of Agrarian Reform (DAR) Zamboanga del Norte ang bag-ong natukod nga Agrarian Reform Beneficiaries Organization (ARBO) sa lungsod sa Piñan nga gitawag og POSSADELBARCO.
Gipangunahan kini ni PARPO II Daisy Dell Suan Digamon uban ni OIC PARPO I Engr. Alfonso A. Tan. Ang POSSADELBARCO naglangkob sa mga benepisyaryo gikan sa barangay Poblacion South, Segabe, Adante, Del Pilar ug Bacuyong ug rehistrado na usab sa Cooperative Development Authority (CDA).
Bag-o lang gihimo sa kooperatiba ang ilang post-registration orientation diin gipaila ang mga opisyal lakip si Chairman Bartolome Gabor, Manager Rolando Capin ug Secretary Aideliza Palconayo.
Gilauman nga ang POSSADELBARCO makatabang sa pagpalambo sa panginabuhian sa mga miyembro pinaagi sa lain-laing produktibong proyekto, isip kabahin sa padayong pagpauswag sa komunidad ug lokal nga ekonomiya sa Piñan.(IKEN B. GULLEM)
Source: DAR ZAMBONORTE