Gipakita sa 1st Zamboanga del Norte Mobile Force Company ang tinuod nga diwa sa pagserbisyo sa katawhan pinaagi sa paghatag og pinansyal nga tabang sa ilang benepisyaryo sa Adopt-a-Family Program nga nag-antos sa sakit nga nakapahinungdan sa pagdako sa iyang tiyan.
Ubos sa liderato ni PLTCOL Ryan Jay R. Capurcos, Force Commander sa yunit, uban sa mga personahe nga personal nga miadto sa pinuy-anan sa benepisyaryo aron ipaabot ang tabang ug suporta.
Si Melody Balbosa, usa ka minyo nga babaye, kinsa mipadayag sa iyang dakong pasalamat sa maong tabang. Matod pa niya, wala gayod siya magdahom nga bisan layo ang ilang lugar, moabot gihapon ang mga kapulisan aron motabang kanila, ilabi na karon nga siya nag-atubang og dakong kalisod tungod sa iyang kahimtangan sa panglawas.
Kini nga inisyatiba nagpakita nga ang pagserbisyo sa katawhan dili lamang limitado sa pagmintinar sa kalinaw ug kahapsay, kondili usab naglakip sa pagpakita og pag-atiman, ug pagpakabana sa mga nanginahanglan sa komunidad.(IKEN B. GULLEM)
Source: Zamboanga del Norte 1st Provincial Mobile Force Company