Gipahigayon ang pinasidunggang Oath Taking Ceremony alang sa mga bag-ong gitudlong Barangay Kagawad sa mga Barangay sa Cocob, Pitawe, Salvador, ug Datagan ubos sa pagdumala ni Mayor Eddie Justin Quimbo.
Ang maong seremonya nagtimaan sa pormal nga pagsugod sa ilang katungdanan, diin sila misumpa sa katawhan nga ilang pagaalagaran uban ang tinuoray nga katungdanan ug responsibilidad isip mga alagad sa barangay.
Ang mga nanumpa gilangkuban nila, Faith S. Repil isip Barangay Kagawad, BLGU Pitawe, si Gerald M. Landong isip Barangay Kagawad, BLGU Cocob, si Barangay Kagawad, BLGU Salvador Pacifico B. Herida, Jr., ug si Ernie T. Oclarit isip Barangay Kagawad, BLGU Datagan.
Samatang si Mayor Quimbo nagpadayag sa iyang bug-os nga suporta ug pagdasig sa mga bagong opisyal aron magpadayon sa panaghiusa ug kooperasyon alang sa kalamboan sa ilang tagsa-tagsa ka barangay.
Gipasiugda usab sa mayor ang importansya sa pagkamatinud-anon, pagkahiusa, ug tinuoray nga serbisyo publiko ingon pundasyon sa maayong pangagamhanan alang sa kaayohan sa tanang katawhan.(IKEN B. GULLEM)
Source: LGU Gutalac- Public Information