Gisugdan na ang pagtukod sa bag-ong evacuation center sa Liloy pinaagi sa groundbreaking ceremony nga gipahigayon niadtong Hulyo 3 aron mapalig-on ang kahandam sa lungsod batok sa mga kalamidad ug emerhensiya.
Gipangulohan ang kalihokan ni Office of Civil Defense Region IX Regional Director Atty. Ruel Halanes ug Liloy Mayor Roberto L. Uy Jr., uban nila si Board Member Venus Uy, Feleciano Bolando, Ruellito Mejorada, mga opisyal sa LGU, DRRM ug Department of Public Works and Highways o DPWH.
Ang proyekto gihatag pinaagi sa Office of Civil Defense Region IX ug ipatuman sa DPWH. Gilauman nga mahimong luwas ug angayng kapuy-an ang maong pasilidad alang sa mga residente sa panahon sa kalamidad ug uban pang emerhensiya.
Matud sa lokal nga panggamhanan, ang bag-ong evacuation center usa ka dakong lakang sa pagpalig-on sa disaster preparedness sa lungsod ug sa paghatag og mas luwas nga kapasilongan alang sa mga Liloyanon.(JENIFFER JR. DELICA)
Source: Municipality of Liloy