Rizal – Nag-courtesy visit ang bag-ong Doctor to the Barrios (DTTB) nga si Dr. Klyde Keenen Bingat kang Municipal Mayor Marissa D. Manigsaca isip opisyal nga pagsugod sa iyang serbisyo sa lungsod sa Rizal. Ang pagbisita nagtimaan sa iyang pag-deploy sa maong munisipyo.
Sumala sa lokal nga panggamhanan, ang maong lakang nagpasabot sa mas lig-on nga panag-uban tali sa Local Government Unit ug sa rural health sector. Gilauman nga mapalapdan pa ang paghatag og accessible, kalidad ug responsibong serbisyong medikal sa komunidad.
Gituohan nga ang pag-abot ni Dr. Bingat makatabang sa pagpaayo sa implementasyon sa mga programa sa panglawas, ilabi na sa mga barangay nga nagkinahanglan og dugang nga atensyon medikal. Ang presensya sa DTTB kabahin sa padayon nga paningkamot sa pagpalig-on sa primary healthcare services sa lungsod.
Gidawat sa munisipyo ang bag-ong doktor ug nagpahayag og kahanda sa pagtinabangay aron mapalambo ang kahimsog ug kaayohan sa tanang Rizalian.(JENIFFER JR. DELICA)
Source: Municipality of Rizal