Zamboanga City – Nagpresentar sa ilang mga plano ug programa alang sa 2026 ang mga Fire Marshal gikan sa Zamboanga Peninsula ug Sulu Province atubangan sa Bureau of Fire Protection Regional Office 9 pinaagi sa Zoom platform. Gipangulohan ang maong kalihokan ni Regional Director Jerry D. Candido.
Gipatin-aw sa regional office nga ang tigom dili lamang presentasyon sa mga plano sa papel, kondili usa ka paglatid sa hiniusang direksyon alang sa Calendar Year 2026. Gihimo kining estratehikong plataporma aron mapalig-on ang koordinasyon ug masiguro nga ang mga tumong sa matag probinsya masabtan ug magkahiusa.
Giingon sa BFP-9 nga ang maong presentasyon maghatag og klarong giya sa paghubad sa mga panan-aw ngadto sa konkretong ug masukod nga mga programa. Ang inisyatiba kabahin sa padayon nga pagpalig-on sa serbisyo publiko ug kaluwasan sa rehiyon.(JENIFFER JR. DELICA)
Source: Bureau of Fire Protection Region IX