Giturn-over ang bag-ong Multi-Purpose Building nga magsilbing Barangay Hall ug Session Hall sa Barangay Lingasad, Polanco aron mapalapad ang paghatag og serbisyo ug mapalig-on ang panaghiusa sa komunidad.
Sumala sa Local Government Unit sa Polanco, ang proyekto nahimong posible pinaagi sa suporta ni First District Representative Roberto “PinPin” Uy Jr. ug sa maayong implementasyon sa Department of Public Works and Highways First District Engineering Office.
Gilauman nga ang bag-ong pasilidad makatabang sa mas episyenteng pagdumala sa mga kalihokan sa barangay ug mas maayong pagserbisyo sa mga residente sa Barangay Lingasad.
Gipasalamatan usab sa LGU Polanco ang tanang ahensya ug mga opisyal nga mitabang sa pagpatuman sa proyekto, nga gilauman nilang mapuslan sa komunidad sulod sa daghang katuigan.(JENIFFER JR. DELICA)
Source: Mayor Ying Uy