Miabot sa 2,000 ka semilya sa tilapia ug 500 ka semilya sa hito (catfish),ang malampusong na apod-apod na usab sa mga personahe sa 1st Provincial Mobile Force Company (1st PMFC) ngadto sa mga benepisyaryo sa ISDAHAN ng Pag-asa: 1st PMFC Tilapia Livelihood Initiative sa Barangay Kauswagan, Lungsod sa Sergio Osmeña, Zamboanga del Norte, niadtong Hulyo 25,2p26.
Ang pagpang-apod-apod sa mga nasangpit nga simelya gihimo pinaagi sa mga personahe sa ZN1st PMFC sa pakigtambayayong sa Technical Education and Skills Development Authority (TESDA), nga girepresentahan ni Mr. Niel Pulido, ang Vocational Instruction Supervisor.
Gipakita niini nga kolaborasyon ang padayon nga pasalig sa duha ka ahensya sa pagpalig-on sa malungtarong mga oportunidad sa panginabuhian ug pagpalambo sa kahimtang sa ekonomiya sa komunidad diin ang dugang nga mga semilya gilauman nga makapausbaw sa produksyon sa isda, makahatag og malungtarong tinubdan sa pagkaon, ug makamugna og dugang nga kita alang sa mga benepisyaryo sa proyekto.
Ang Philippine National Police ug sa mga kauban niini nga ahensya mipakita sa ilang hiniusang dedikasyon sa paghatag ug panginabuhian nga nagpasiugda sa pagbarog sa kaugalingon, seguridad sa pagkaon, ug dugay nga kalamboan sa komunidad nga maghatag og gahum sa mga komunidad pinaagi sa mga programa.(MEDALYN U. BORJA)
Source: PNP Zamboanga del Norte 1st Provincial Mobile Force Company